Децата се нашата иднина и нашето најголемо богатство. Детската љубов нема граници, ниту пак нивниот живот има цена. Се грижиме за безбедноста на децата во сообраќајот, тоа е наша привилегија, наша обврска и наш заеднички приоритет - потенцираат од РСБСП и Триглав Осигурување, во најава на новата сообраќајно превентивна акција, насловена како „Безбедни училишта – безбедни првачиња“.

Безбедни училишта – безбедни првачиња, превентивно едукативна акција на РСБСП и Триглав Осигурување
Сликата на гужви и сообраќаен метеж во близина на училиштата и градинките е секојдневие, во кое што живееме.

Користење на детско седиште во автомобил за превоз на деца на возраст до 5 години е законска, морална, етичка, возачка и пред се родителска обврска. Иако постои тенденција на зголемена употреба на детски седишта во автомобилите, сепак, евидентен е фактот дека бројот на родители/возачи кои не користат детски седишта за превоз на деца до 5 години не е мал.

НОВОГОДИШНА АКЦИЈА НА РЕПУБЛИЧКИОТ СОВЕТ ЗА БЕЗБЕДНОСТ НА СООБРАЌАЈОТ НА ПАТИШТАТА, ТРИГЛАВ ОСИГУРУВАЊЕ И КОМЕРЦИЈАЛНА БАНКА- СКОПЈЕ
На заедничко задоволство, а по повод новогодишните празници, Републичкиот совет за безбедност на сообраќајот на патиштата, Триглав Осигурување и Комерцијална Банка – Скопје, во пред новогодишните денови организираа дружење со децата од Клиниката за детски болести- Скопје. Во наредните денови, дружењето ќе продолжи и со децата во „Институт за белодробни заболувања на деца – Козле“, и децата кои се наоѓаат во Клиничкиот центар- „Детска хирургија-Скопје“ . Дружењето е исполнето со забава, дополнета и поддржана од маскотата на Триглав Осигурување - кучето „Пази“, Дедо Мраз со новогодишни пакетчиња и сообраќајно едукативни материјали за децата.
На нашите најмали и најмили пријатели им посакуваме среќни празници, брзо оздравување и исполнување на сите новогодишни желби.

Републичкиот совет за безбедност на сообраќајот на патиштата, СВР Битола и СВР Струмица - Сектор за превентивни работи, со превентивни сообраќајно едукативни активности и настани организирани во ПС Битола и во основните училишта во Струмица, го одбележаа 9-ти Декември, Денот на превенцијата.

"БЕЗБЕДНИ УЧИЛИШТА-БЕЗБЕДНИ ПРВАЧИЊА" - заедничка кампања на Републичкиот совет за безбедност на сообраќајот на патиштата и Триглав Осигурување. Во рамките на кампањата реализирани низа активности во Основните училишта "Лирија" и "Кирил и Методиј" во Тетово

Почетокот на учебната година носи радост, возбуда и среќа кај децата. Детскиот темперамент и возбуда се чувствува во секој нивни чекор. Не е лесно да си дете, на првиот училишен ден. Не е лесно да си дете и секој друг ден.

Современиот начин на живот, бројните обврски и динамиката со која ги извршуваме секојдневните активности, влијаат на сите сфери на општественото живеење, вклучително и на сообраќајот. Понекогаш многу лесно се губиме во секојдневната „џунгла“ од обврски, a се губиме и во секојдневниот сообраќаен метеж. Ако снаоѓањето во секојдневниот сообраќаен метеж е проблем дури и за возрасните, се наметнува прашањето: Како ли само децата се снаоѓаат во таа „сообраќајна џунгла“?

Најновата едукативна кампања на РСБСП „БЕЗ ИЗГОВОРИ“ која посочува на најчестите изговори што учесниците во сообраќајот ги користат за да го оправдаат непочитувањето на правилата ќе биде спроведена во осум градови низ Македонија. Целта на активностите од кампањата која првично беше претставена преку билборди поставени на фреквентни места, е да влијае врз учесниците во сообраќајот преку директна комуникација и едукација.

Безбедноста во сообраќајот на патиштата претставува сериозен предизвик, односно сериозен проблем во сите современи општества. Секојдневно на улиците ширум Европа, се случуваат сообраќајни незгоди со фатални последици, предизвикани од неодговорни возачи, возачи под дејство на алкохол итн.