Како децата безбедно да возат велосипед?
Драги деца, доколку наскоро полните 12 години, со кои практично ќе можете да возите велосипед на јавен пат, не заборавајте на неколку важни работи:
- забрането е симнување на рацете од управувачот
- забрането е симнување на нозете од педалите,
- возење на едно тркало и сл.
Несериозното однесување као во наведените примери може да доведе до сериозни последици.
Вашата безбедност и безбедноста на вашите другари е приоритет и исклучително важна работа и обврска, и не можете тоа да го сфатите несериозно, како игра или шега.
Со велосипед може да управува дете со наполнети 9 години, на посебни површини со намален сообраќај, на пешачка зона, некатегоризиран пат и слично. На овие површини велосипед може да вози и дете помладо од 9 години, доколку е во придружба на постаро лице од 16 години. Заради безбедност потребно е да носиш кацига, а може да носиш и штитници за лакти и колена.
Кога возиш велосипед не смееш да носиш слушалки, телефонираш и слично, бидејќи тогаш е намалено твоето внимание, а тоа може да доведе до негативни последици. Можеш да се повредиш себеси или другите. На велосипед смее да се вози и друго лице помладо од 9 години, но само ако велосипедот има посебно седиште и доколку возачот на велосипедот има најмалку 18 години.
Важно е да знаеш дека на мотоцикл, мопед, трицикл, забрането е возење на деца до 12 години.
Колку што е важно правилно да се однесуваш во сообраќајот, исто така е важно е и да ги почитуваш и останатите учесници во сообраќајот. Како учесник во сообраќајот, кога си пешак или кога возиш велосипед или некое друго детско возило, во секој миг мораш да бидеш концентриран на возењето и на случувањата на патот!