Детскиот развој и безбедноста на патиштата

Зошто децата се ризик во сообраќајот?

Однесувањето на децата не може да се објасни во само една развојна област.
Тоа е интеракција помеѓу когнитивните, социјално – емоционалните и
физичките аспекти од нивниот развој, кои ги изложуваат децата на ризик во
сообраќајот.

Когнитивен развој

• Малите деца се љубопитни и желни да ја истражуваат околината која ги опкружува
• Не ги разбираат сите опасности и што треба да прават за да бидат безбедни
• Може лесно да го изгубат вниманието, но може и да се фокусираат на тоа што е важно за нив
• Уште ја развиваат способноста за проценка на брзината и растојанието на возилата во движење
• Не се искусни како пешаци и може да ги збунат брзи промени во сообраќајот
• Уште ја развиваат способноста за проценката на звукот и растојанието
• Тоа што го гледаат го интерпретираат на различен начин од возрасните
• Можат да изговорат реченици и слогани за безбедност, но уште не се во можност да ги практикуваат самостојно

Социјално – емоционален развој

• Малите деца се друштвени и сакаат да бидат таму каде што е „акцијата”.
• Сите се различни, па тоа што функционира со едно дете, може да не функционира со друго
• Се гледаат себе си како „големи момчиња” или „големи девојки” и сакаат самостојно да прават работи

Физички развој

• Малите деца се брзи и може од безбедна ситуација брзо да влезат во опасност
• Бидејќи се мали, на возачите им е потешко да ги забележат, посебно доколу се позади возилото
• Уште ги развиваат рефлексите и реакциите, па им е потребно повеќе време за да застанат кога се во движење
• Поподложни се на повреди и на фатални последици

Возрасните се одговорни за безбедноста во особраќајот на малите деца!