Бабите, дедовците и децата – надвор заедно и безбедно

Бабите и дедовците играат важна улога во животите на многу семејства и често се инволвирани во секојдневната грижа на внуците. Оваа грижа опфаќа носење и враќање од градинка, училиште, прошетки, заедничко одење во продавница, паркови, игралишта и организирани активности.

Предизвик е децата да останат безбедни како патници или како пешаци, но и додека си играат. Малите деца уште ги развиваат нивните способности, па возрасните ја носат одговорноста за нивната безбедност.

Зошто децата се изложени на ризик?

• Брзи се и од безбедна ситуација може брзо да се најдат во опасност
• Лесно може да го изгубат вниманието
• Нивните рефлекси уште се развиваат и им е потребно повеќе време за реакција
• Сакаат самостојно да прават работи
• Љубопитни се
• Мали се и на возачите им е потешко да ги забележат
• Се однесуваат непредвидливо

Кога сте со вашите внуци, секогаш...

• Држете ги за рака или блиску до вас секогаш кога пешачите, а сте на
• место каде може да има автомобили
• Активно надгледувајте ги додека си играат и осигурајте се дека
• просторот за игра е ограден или оддвоен од возила, улици или
• паркиралишта
• Доколку ги превезувате во возило, задолжително сместете ги во детско
• авто – седиште, кое ќе биде правилно поставено и подесено за нивната
• возраст и големина
• Учете ги како да се однесуваат безбедно кога се во сообраќај

Марија е баба која често ги шета нејзините две внучиња, четиригодишниот Филип и тригодишната Ана. Баба Марија за нејзиното искуство вели: „Филип е среќен кога ме држи за рака кога одиме, но неговата помалечка
сестра е потемпераментна и не сака да ме држи за рака, па со тоа е поризична. Затоа, да ја носам во раце ми е побезбедна опција”. Секое дете е различно и има различен карактер, темперамент, нешта кои ги сака и нешта кои не ги сака. Предизвик е тие секогаш да бидат заштитени од опасностите од возилата во движење. Одржувањето на близок физички контакт
за рака е најдобриот начин за малите деца да останат безбедни.